Halaale

By Galfato Wonago

Tini baatto duuchchinkete,
Atete, anete, kii’nete, niinkete,
Hunkiinkeni, losii’ne galate,
Qae-nketi, qachcha-nketi, yaate.

Halaale yaa duuchchunkku qaso huwatate,
Mimmitu mannimma gargaadhate.

Qae-nna qachcha biifisii’ne mine mi’nate,
Saadda ceate, ooso ille losi’rate,
Halaalu heellichcho irki’ne gamba yaate,
Ma’late, amaa’late, afoo xaadate.

Halaale yaa mannimmate qoosso ayirrisate,
Mimmitu aye-ti mma huwatate.

Qoossote xinta maalu-fiixoomati yiitanori doogaano,
Barra hashshati, hashsha barrati yiitano.
Insa hexxo borojjimmate,
mannu lubbo-nni dadda’late.

Halaale yaa gutamaanote heeshsho hee’rate,
Duuchchinke qoosso gargaadhate.

Halaalano hayyoole mannati ledo-sharramate,
Dogaanote gibbo-nna babbadooshe hunate.

Halaalano shaqadootaho, mimmitu qoosso ayirrisate,
Lophote doogo maxarate.

Halaalanote heeshsho hee’rate,
Hasiisano songo fullaate,
Ma’late,amaa’late, afoo xaadate.